PORSCHE PRISHTINA | POLO 2009

Volkswagen Beetle i ri, sjell nostalgjinë e vjetër !

Një model tejet i veçantë, i cili për shumëkënd sjell në vëmendje një nostalgji të vjetër, ka arritur edhe në Kosovë. Bëhet fjalë për versionin e ri të Beetle, i cili ndryshe njihet edhe si Buba apo Breshka. Beetle i ri tashmë i pret blerësit e saj tek dilerët e autorizuar për modelet e Volkswagen-it.

Volkswagen Beetle është një ikonë. Kjo veturë rrëfen një tregim. Vetëm dikush që e njeh historinë e tij, mund të bëj gjeneratën e re të Beetle një realitet. Detyra për inxhinierët ishte më se e qartë. Ata duhej të zhvillonin një veturë të teknologjisë së lartë e cila do të duhej të ishte e përballueshme, të ketë të integruara teknologjitë e komunikimit të kohërave të sotme dhe të ketë ndikimin më të vogël të dëmshëm për ambientin. Po ashtu, do të duhej të ishte një veturë që e bartë argëtimin e vozitjes në pjesën e përparme. Por gjithsesi, duhej ruajtur edhe disa nga tiparet klasike që e bëjnë një veturë të dallueshme. Dhe me Beetle të ri, kjo është arritur me përsosmëri të plotë.

Dizajni, një origjinal i ri
Dizajni i Beetle është dizajni më i njohur automobilistik në botë dhe sfida për dizajnimin e Volkswagen Beetle të ri, ishte vërtetë inspiruese. Dizajnerët e dinin se donin ta zhvillonin profilin origjinal të Beetle, më mirë se sa versionin e 'New Beetle' të vitit 1998. Dhe nëse e marrim modelin e parë të Beetle dhe një Beetle të ri dhe i vendosim në një dhomë, do të shihni se vijat e pjesës së pasme janë gati identike. Por Beetle i ri tani karakterizohet nga një pamje sportive e pastër, më të sigurt në vetvete dhe më dominuese, pra më dinamike dhe më muskulore. Beetle i ri jo vetëm që ka profil më të ulët, por është edhe më i gjerë, kapakun e motorit e ka më të gjatë dhe xhami i përparmë është tërhequr edhe më prapa. Të gjitha këto krijojnë një dinamizëm të ri. Modeli i ri është 1808 mm i gjerë ( më shumë për 84 mm), 1486 mm i lartë (12 mm më ulët) dhe 4278 mm i gjatë (152 mm më i gjatë se modeli paraprak). Kjo ka rezultuar me proporcione tërësisht të reja. Shtimi në gjatësi ka nënkuptuar se kulmi ka mundur të zgjatet më shumë, xhami i përparmë ka mundur të tërhiqet më prapa dhe pjesa e prapme ka mundur të ndjek konturën origjinale të Beetle. Dhe të gjitha këto i japin VW Beetle të ri një dukje të fuqishme me tension muskulor. Natyrisht se disa nga karakteristikat e njohura të Beetle origjinal kanë mbetur: këto përfshijnë dritat e rrumbullakëta, kapaku i motorit, pragu i dyerve dhe rrotat e mëdha deri në 19 inç, karakteristike që nga modeli origjinal. Një tipar i ri është spoileri i prapmë, i cili në mënyrë homogjene është integruar në dizajn (standard për motorët TSI me 118 kW / 160 kuaj fuqi dhe 147 kW / 200 kuaj fuqi); në mënyrë agresive e mban kontaktin me rrugën, pasi ka shpejtësinë maksimale deri në 225 km/h, varësisht nga motori dhe është në dispozicion me tre pako të pajisjeve "Beetle", "Design" dhe "Sport".

Një interier origjinal si asnjë tjetër
Kabina e Beetle të ri jep një përshtypje vizuale. A është e mundur që një kabinë të bëj një përshtypje vizuale? Natyrisht se po. Nganjëherë vozitësit ulen në kabinë me orë të tëra, varësisht se çfarë ofron ajo kabinë. Por jo të gjitha kabinat e ofrojnë një ndjenjë të tillë. Dhe kabina e VW Beetle të ri është unike, e pagabueshme, 'cool', klasike dhe e dizajnuar me pasion për detajet. Kjo kabinë është ruajtur si diçka speciale. Çdo gjë është brenda shikimit dhe mundësive. Edhe pse e ka mbajtur atë dozën klasike, prapë çdo gjë është ridizajnuar. Instrumentet me tre rrathë të renditura para shoferit (tahometri, matësi i shpejtësisë dhe treguesi i karburantit) ofrojnë të gjitha informatat e nevojshme; i integruar në matësin e shpejtësisë (pozita e mesme), është një ekran multi-funksional. Në versionin e pajisjeve "Design", daljet e ajrit të kondicionuar dhe të instrumenteve, kanë korniza të kromuara. Kjo shkon edhe për sistemin e audios dhe të navigacionit që gjenden në pjesën me pamje të qartë të panelit të instrumenteve. Kur flasim për audio-sistemin, bëhet fjalë për atë RCD 310 me 8 altoparlantë, që është një sistem i shkëlqyeshëm audio. Me Beetle të ri, Volkswagen edhe njëherë ia ka arritur në implementimin e materialeve me kualitet të lartë, që shkojnë përtej kufijve të veturave të kësaj kategorie. Dhe pasi kemi dimensione më të mëdha, kjo nënkupton edhe hapësirë më të madhe brenda, duke përfshirë edhe hapësirën e bagazhit. Edhe ulëset janë me dizajn mjaft të bukur dhe shumë të rehatshme.

Motorët me ekonomik të mundshëm.
Të gjitha versionet e motorëve (të gjithë me katër cilindra), janë përdorur për herë të parë në modelet e reja të Beetle. Dhe Beetle i ri ofron ulje të ndjeshme të harxhimit të karburanteve dhe emetimit të gazrave, falë përdorimit të motorëve turbo-benzinë (TSI) dhe motorëve me naftë me injektim direkt të karburantit (TDI). Tre motorët me benzinë Beetle ofrojnë forcë prej 77 kW/105 kuaj fuqi, 118 kW/160 kuaj fuqi dhe 147 kW/200 kuaj fuqi, derisa dy motorët me naftë kanë forcë prej 77 kW/105 kuaj fuqi dhe 103 kW/140 kuaj fuqi. Të gjithë 5 motorët, përveç transmisionit të thjeshtë manual, si opsion kanë edhe transmisionin me ndërrim automatik të shpejtësive (DSG). Motori më i fuqishëm me benzinë, ai 2.0 TSI me 200 kuaj fuqi, konsumon vetëm 7.4 litra për 100 km, derisa motori benzinë më ekonomik, është ai 1.4 TSI me 160 kuaj fuqi dhe me transmision me 7 shpejtësi DSG, që harxhon vetëm 5.9 l/100 km (139 g/km CO2). Mirëpo, asnjëri prej tyre nuk mund të matet me motorët me naftë, kur flitet për harxhimet. Motori 1.6 TDI me 105 kuaj fuqi ka harxhime prej vetëm 4.3 litra për 100 kilometra të kaluara dhe emetim gazrash prej 112 g/km CO2, derisa motori tjetër me naftë, ai 2.0 TDI me 140 kuaj fuqi, ka harxhime vetëm 4.9 l/100 km (129 g/km CO2). Sa i përket shpejtësisë, ajo dallon varësisht nga versioni, duke filluar nga 180 km/h, e deri në 225 km/h që ofron motori më i fuqishëm me benzinë, derisa shpejtësinë nga 0 në 100 km\h, e arrin për vetëm 7.5 sekonda. Edhe aspektit të sigurisë i është kushtuar vëmendje e madhe. Me Beetle, Volkswagen po ndërton një automobil i cili është më i sigurti në termet e sigurisë si aktive, ashtu edhe pasive. Dhe nuk është çudi që ky model ka marrë 5 yje në testin e sigurisë EURO NCAP. Programi i stabilizimit elektronik të veturës ESP vjen si standard, sikurse edhe 6 air-bag-ë efektivë që mbrojnë pasagjerët.